Kua tae mai te māpihi maurea hou

I te rangi tuarima, o te marama tuarima, o te tau rua tekau mā rima, 5-5-5, (te ātaahua hoki o taua nama anahera), i tae mai a Te Huia Tū Rae o Aroha Diane, Kiwa Gibson ki te ao mārama nei. E Tessa, te hoa pūmau, tō kaha hoki, kei reira koe e te Māmā aroha. I reira hoki tōku Māmā, me ngā tamariki katoa, kāore āku kupu atu i te poho kererūtanga o tēnei Pāpā waimarie, kua tae anō mai he ringa raupā kia takahi tōna ake mana ki te ao!